پاکستان کی سیاسی تاریخ کے 11ویں عام انتخابات اب چند دنوں کی دوری پر ہیں۔

ایک طرف 25 جولائی 2018ء کو منعقد ہونے والے عام انتخابات کے لیے سیاسی ماحول بھی خوب گرم ہے تو دوسری طرف عدالتوں سے بڑے فیصلے بھی سامنے آ رہے ہیں۔

ماضی کے تجربات بتاتے ہیں کہ 2018ء کے حالیہ عام انتخابات میں 20 کروڑ سے زائد آبادی رکھنے والے ملک کے 10 کروڑ سے زائد ووٹرز میں سے آدھے سے زائد ووٹرز کی جانب سے اپنا حق رائے دہی استعمال کرنے کا امکان ہے۔

ان انتخابات میں چاروں صوبوں میں پاکستان کی 100 کے قریب سیاسی جماعتوں نے اپنے امیدوار میدان میں اتارے ہیں۔