کیا یہ رنبیر کپور ہیں یا کوئی اور؟

اپ ڈیٹ 03 اگست 2018

ای میل

بولی وڈ اداکار رنبیر کپور کی ایک حیرت انگیز تصویر سوشل میڈیا پر خوب وائرل ہورہی ہے، جس میں وہ اپنی عمر سے بہت بڑے نظر آرہے ہیں جبکہ ان کے لکس بھی کافی الگ ہیں۔

مداح یہ تصویر دیکھ کر پہلے تو رنبیر کپور کو پہچان ہی نہیں پائے، تاہم بعدازاں سب کو ایسا لگا جیسے یہ اداکار کی کسی نئی فلم کا لک ہے۔

خیال رہے کہ رنبیر کپور کی حال ہی میں ریلیز فلم ’سنجو‘ میں انہوں نے سنجے دت کا کردار ادا کیا تھا، جس میں ان کے لکس کو خوب پسند کیا گیا۔

رنبیر کپور نئے نئے کردار ادا کرنے کے بھی تجربے کرتے رہتے ہیں۔

مزید پڑھیں: ’شمشیرا‘ اب تک کی ہوئی تمام فلموں سے مختلف ہے، رنبیر

تاہم رنبیر کپور کا یہ نیا انداز کس پروجیکٹ کے لیے ہے؟

دراصل یہ کسی فلم کے لیے نہیں بلکہ اداکار بہت جلد ایک نئے اشتہار میں نظر آنے والے ہیں، جس کے لیے انہوں نے یہ انداز اپنایا۔

اس اشتہار میں رنبیر کپور ایک سیلز مین کا کردار ادا کرتے نظر آئیں گے۔

خیال رہے کہ رنبیر اس وقت اپنی فلم ’براہمسٹرا‘ کی شوٹنگ میں مصروف ہیں، جس میں ان کے ہمراہ گرل فرینڈ عالیہ بھٹ اور امیتابھ بچن کام کرتے ہوئے نظر آئیں گے۔

اس فلم کی ہدایات رنبیر کے قریبی دوست ڈائیریکٹر ایان مکھرجی دے رہے ہیں۔

اس فلم کے بعد رنبیر کپور یش راج پروڈیکشنز کے بینر تلے بننے والی فلم ’شمشیرا‘ میں کام کریں گے، اس فلم میں رنبیر کپور ڈاکو بنیں گے۔