پاکستانی قوم 72 واں یوم آزادی روایتی جوش و خروش اور قومی جذبے سے منارہی ہے اور اسی مناسبت سے مخلتف تقاریب کا اہتمام کیا گیا ہے اور جگہ جگہ پرچم کشائی کی جارہی ہے۔

یوم آزادی کے جشن کا آغاز وفاقی دارالحکومت میں 31 توپوں اور صوبائی مراکز میں 21 توپوں کی سلامی سے ہوگا اور ملک کی سلامتی کے لیے خصوصی دعائیں مانگی جائیں گی اور کشمیر سے اظہار یک جہتی بھی کیا جائے گا۔

تعلیمی اداروں میں تقاریر اور قومی نغموں کےمقابلے بھی ہوں گے جبکہ مقامی حکومتوں سمیت تمام سرکاری ادارے جشن آزادی منانے کے لیے متحرک ہیں۔