بھارت کے 72 ویں یومِ آزادی کے موقع پر ہر سال کی طرح اس بار بھی کشمیریوں نے یومِ سیاہ منایا.

کشمیریوں کو یوم سیاہ منانے سے روکنے اور بھارت مخالف مظاہرے نہ کرنے کے لیے مقبوضہ کشمیر کے تمام بڑے قصبوں اور شہروں میں بڑی تعداد میں بھارتی فوجیوں اور پولیس اہلکاروں کو تعینات کیا گیا، جس سے پوری وادی فوجی چھاؤنی کا منظر پیش کررہی تھی۔

حریت قیادت کے رہنماؤں سید علی گیلانی، میرواعظ عمرفاروق اور یاسین ملک نے 15 اگست کو مقبوضہ کشمیر میں مکمل ہڑتال کی کال دیتے ہوئے یوم سیاہ منانے کا اعلان کیا تھا۔

بھارتی پولیس نے کئی حریت رہنماؤں کو ان کی رہائش گاہوں سے گرفتار کرلیا اور دیگر کو ان کے گھروں میں نظربند کردیا۔