رواں سال جنوری میں اسکائپ کی جانب سے اینڈ ٹو اینڈ انکرپشن فیچر متعارف کرانے کا اعلان کیا گیا تھا اور اب اسے تمام صارفین کے لیے پیش کردیا گیا ہے۔

واٹس ایپ نے 2016 میں صارفین کے پیغامات کے تحفط کے لیے اینڈ ٹو اینڈ انکرپشن کا فیچر متعارف کرایا تھا۔

کمپنی نے اسے پرائیویٹ کنورزیشن کا نام دیا ہے اور آئی او ایس، اینڈرائیڈ، میک اور ونڈوز ڈیسک ٹاپ سسٹمز کے صارفین اسے استعمال کرسکتے ہیں۔

مزید پڑھیں : اسکائپ کا خفیہ فیچر

اس کے لیے صارف کو مطلوبہ کانٹیکٹ کی پروفائل میں کمپوز مینیو میں جاکر نیو پرائیویٹ کنورزیشن کوسلیکٹ کرنا ہوگا۔

ایسا کرنے پر دوسرے صارف کے پاس ایک انوائیٹ جائے گا، جس کے بعد تمام کالز اور بات چیت اینڈ ٹو اینڈ انکرپٹ ہوجائے گی۔

اس فیچر کے تحت چیٹ، فائلز اور آڈیو پیغامات کو بھی تحفظ ملے گا۔

مگر صارفین ایک ڈیوائس پر ایک وقت میں صرف ایک چیٹ کو ہی انکرپٹ کرسکیں گے۔

اسکائپ میں ویسے کافی عرصے سے کسی قسم کی انکرپشن دی جارہی ہے جو کہ کمیونیکشن چینیل کو تحفظ فراہم کرتی ہے۔

مگر اینڈ ٹو اینڈ انکرپشن زیادہ محفوظ ٹیکنالوجی ہے اور اس کے تحت بھیجے جانے والے پیغامات صرف بھیجنے والا یا موصول کرنے والا ہی پڑھ سکتا ہے، یہاں تک کہ مائیکرو سافٹ کے سرورز کنٹرول کرنے والے بھی ان پیغامات کو نہیں دیکھ سکیں گے۔

یہ بھی پڑھیں : اسکائپ میں بھی فوٹو ایفیکٹس متعارف

اس فیچر کو متعارف کرانے پر اسکائپ ، فیس بک میسنجر، ایپل آئی میسج اور واٹس ایپ جیسے چیٹ پلیٹ فارمز کا حصہ بن گئی ہے۔

ضرور پڑھیں

تبصرے (0) بند ہیں