اکشے کمار انسٹاگرام کے بھی کھلاڑی

ای میل

بولی وڈ اداکار اکشے کمار —فوٹو/ فائل
بولی وڈ اداکار اکشے کمار —فوٹو/ فائل

بولی وڈ اداکار اکشے کمار کے مداحوں کی تعداد ویسے ہی بہت بڑی ہے اور اب وہ انسٹاگرام پر بھی سب سے زیادہ فالو کیے جانے والے بولی وڈ اداکار بن چکے ہیں۔

اکشے کمار وہ پہلے بولی وڈ اداکار ہیں جن کے انسٹاگرام فالوورز کی تعداد 20 ملین یعنی 2 کروڑ تک جا پہنچی ہے۔

اس موقع پر اداکار کو انسٹاگرام کی جانب سے اعزاز بھی ملا، جس کے بعد انہوں نے انسٹاگرام پر ایک تصویر کے ساتھ مداحوں کا شکریہ بھی ادا کیا۔

اکشے کمار نے لکھا کہ ’مجھے انسٹاگرام کی جانب سے ایک اور گولڈ مل گیا، مجھے یہ بتاتے ہوئے خوشی ہورہی ہے کہ میں پہلا بولی وڈ اداکار ہوں جس کے انسٹاگرام پر 20 ملین فالوورز ہیں، آپ سب کے پیار کا بےحد شکریہ‘۔

یاد رہے کہ حال ہی میں اکشے کمار کی فلم ’گولڈ‘ سینما گھروں میں ریلیز ہوئی۔

اس فلم میں اکشے کمار نے ہاکی ٹیم کے مینجر کا کردار ادا کیا۔

فلم ’گولڈ‘ اپنی ریلیز کے بعد سے باکس آفس پر شاندار بزنس کررہی ہے اور جلد 100 کروڑ ہندوستانی روپے کمانے میں کامیاب ہوجائے گی۔