اسلام آباد: پاکستان تحریک اںصاف کے رہنما اور وزیر خارجہ شاہ محمود قریشی نے کہا ہے اپوزیشن جماعتوں میں کوئی ہم آہنگی نہیں جبکہ ان کی جماعت کے صدارتی امیدوارعارف علوی تحریک انصاف کے سیاسی ایجنڈے سے واقف ہیں۔

صدارتی انتخاب کے حوالے سے گفتگو کرتے ہوئے انہوں نے کہا کہ ملک میں جمہوریت کا تسلسل رواں دواں ہے، صدر کے لیے عارف علوی سب سے بہتر امیدوار ہیں کیونکہ وہ وفاق کی ضروریات کو سمجھتے ہیں۔

شاہ محمود قریشی کا کہنا تھا کہ مشکلات ہیں لیکن ہم آگے بڑھیں گے اور جمہوریت کی روایت برقرار رکھتے ہوئے اپوزیشن کا احترم کریں گے۔