پاک وطن کے لیے جان نچھاور کرنے والے پاک فضائیہ کے شہدا کو یومِ فضائیہ کے موقع پر خراج تحسین پیش کیا گیا ۔

ملک کے مختلف شہروں میں 7 ستمبر کے حوالے سے تقریبات کا انعقاد کیا گیا اور پاک فضائیہ کے شاہینوں کی قربانیوں کو یاد کیا گیا۔

ایئر چیف مارشل مجاہد انور خان نے یاد گار شہدا پر حاضری دی اور فاتحہ خوانی کی۔

ہر سال 7 ستمبر کو ملک وقوم کے لیے قربانیاں دینے والے فضائیہ کے جوانوں کی یاد کے طور پر منایا جاتا ہے۔

1965 کی پاک بھارت جنگ میں پاک فضائیہ کے شاہین ایم ایم عالم نے ایک منٹ سے بھی کم وقت میں دشمن کے 5 طیاروں کو گرا کر تاریخ رقم کی تھی۔