چین، ہانگ کانگ طوفان مینگ کھٹ کی زد میں
16 ستمبر 2018
مینگ کھٹ نامی سمندری طوفان گزشتہ روز فلپائن میں تباہی پھیلانے کے بعد ہانگ کانگ اور چین کے جنوبی صوبے گوانگ ڈونگ سے ٹکرا گیا۔
طوفان فلپائن کے بعد ہانگ کانگ سے ٹکرایا اور اس کے بعد چین کے جنوبی صوبے کی جانب بڑھا، جس سے کاروبارِ زندگی معطل ہوگیا اور ہزاروں افراد نقل مکانی پر مجبور ہیں۔
ہانگ کانگ میں موسلا دھار بارشوں کی وجہ سے کئی علاقوں میں سیلابی صورت حال بھی پیدا ہوگئی ہے جبکہ کچھ مقامات پر درخت اور عمارتوں کو بھی شدید نقصان پہنچا۔
ہانگ کانگ میں عوام کو مشہور وکٹوریا ہاربر کا رخ نہ کرنے کی ہدایات جاری کی گئی تھیں جبکہ مشہور سیاحتی شہر مکاؤ میں تاریخ میں پہلی مرتبہ کسینو بھی بند کردیے گئے۔
تبصرے (0) بند ہیں