ٹی 20 سیریز: پاکستان نے آسٹریلیا کو کلین سویپ کردیا

اپ ڈیٹ 29 اکتوبر 2018
قومی ٹیم نے لگاتار دس ٹی ٹوئنٹی سیریز جیتی ہے۔ فائل فوٹو
قومی ٹیم نے لگاتار دس ٹی ٹوئنٹی سیریز جیتی ہے۔ فائل فوٹو

دبئی میں کھیلے جانے والے تیسرے اور آخری ٹی 20 انٹرنیشنل میں پاکستان نے آسٹریلیا کو 33 رنز سے شکست دے کر سیریز 0-3 سے جیت لی۔

شاہینوں نے آسٹریلیا کو جیت کے لیے 151 رنز کا ہدف دیا تھا جس کے بدلے میں آسٹریلوی ٹیم 117 رنز پر ڈھیر ہوگئی۔

پاکستان کی جانب سے شاداب خان نے 3 اور حسن علی نے 2 وکٹیں لیں۔

قومی ٹیم کے کپتان سرفراز احمد نے آسٹریلیا کے خلاف ٹاس جیت کر بیٹنگ کا فیصلہ کیا تھا۔

پاکستان کی جانب سے بابر اعظم نے 40 گیندوں پر نصف سینچری بنائی جبکہ صاحبزادہ فرحان نے 39 رنز بنائے۔

آسٹریلیا کے مچل مارش نے ایک اوور میں 6 رنز دے کر 2 وکٹیں حاصل کیں۔

پاکستان نے اوپنر فخر زمان اور فاسٹ باؤلر شاہین آفریدی کی جگہ صاحبزادہ فرحان اور عثمان شنواری کو کھلانے کا فیصلہ کیا تھا۔

دوسری جانب آسٹریلوی باؤلر بلی اسٹین لیک کی جگہ میچ میں آف اسپنر نتھن لیون کو کھلایا گیا ہے۔

اسکواڈ:

پاکستان: سرفراز احمد (کیپٹن)، صاحبزادہ فرحان، محمد حفیظ، بابر اعظم، آصف علی، شعیب ملک، شاداب خان، عثمان شنواری، حسن علی، عماد وسیم اور فہیم اشرف۔

آسٹریلیا: آرون فنچ (کیپٹن)، الیکس کیری، مچل مارش، نتھن کولٹر نائیل، کرس لن، گلین میکس ویل، بین مک ڈرموٹ، ڈی آرسی شورت، بلی اسٹین لیک، اینڈریو ٹائی اور ایڈم زامپا۔

تبصرے (0) بند ہیں