دنیا کی 100 طاقتور خواتین میں پریانکا چوپڑا شامل

اپ ڈیٹ 07 دسمبر 2018
پریانکا چوپڑا کا نام اس سے قبل بھی فوربز کی اس فہرست میں شامل کیا جاچکا ہے —فوٹو/ اسکرین شاٹ
پریانکا چوپڑا کا نام اس سے قبل بھی فوربز کی اس فہرست میں شامل کیا جاچکا ہے —فوٹو/ اسکرین شاٹ

بولی وڈ دیسی گرل پریانکا چوپڑا بھلے ہی فوبز کی سب سے زیادہ کمائی کرنے والی بھارتی اداکاراؤں میں دپیکا پڈوکون سے پیچھے رہ گئیں ہوں، تاہم انہوں نے ایک اور اہم فہرست میں صرف دپیکا کو ہی نہیں بلکہ تمام بولی وڈ اداکاراؤں کو پیچھے چھوڑ دیا۔

فوربز کی ایک اور دنیا کی 100 طاقتور خواتین کی فہرست سامنے آئی ہے، جس میں بولی وڈ کی واحد اداکارہ پریانکا چوپڑا کا نام شامل کیا گیا ہے۔

مزید پڑھیں: دپیکا پڈوکون سب سے زیادہ کمانے والی واحد اداکارہ

پریانکا چوپڑا نے اپنے انسٹاگرام پر شیئر کیا کہ انہیں فوربز کی اس اہم ترین فہرست میں کئی طاقتور خواتین کے ہمراہ شامل کیا گیا، جس کے لیے انہوں نے فوربز کا شکریہ بھی ادا کیا۔

خیال رہے کہ آج کل پریانکا چوپڑا اپنی شادی میں خاصی مصروف تھیں، تاہم انہوں نے اپنی پوسٹ میں یہ بھی اعلان کیا کہ وہ واپس کام کی شروعات کررہی ہیں۔

یہ بھی پڑھیں: پریانکا پرشادی کے نام پردھوکہ اور نک جونس پر فائدہ اٹھانے کا الزام

پریانکا چوپڑا کی شادی امریکی گلوکار و اداکار نک جونس کے ہمراہ یکم اور دوئم دسمبر کو ہوئی۔

شادی کی کئی تصاویر اور ویڈیوز پریانکا نے اپنے انسٹاگرام اکاؤنٹ پر بھی پوسٹ کی، جنہیں مداحوں نے خوب پسند کیا۔

View this post on Instagram

And forever starts now... ❤️ @nickjonas

A post shared by Priyanka Chopra Jonas (@priyankachopra) on

پریانکا چوپڑا نے اپنی شادی کے فوری بعد اپنے سوشل میڈیا اکاؤنٹس پر نام تبدیل کرتے ہوئے اب خود کو ’پریانکا چوپڑا جونس‘ کا نام دے دیا ہے۔

فلموں کے حوالے سے بات کی جائے تو پریانکا اس وقت اپنی فلم ’دی اسکائے از پنک‘ کی تشہیر کا آغاز کریں گی، جس میں ان کے ہمراہ فرحان اختر اور زائرہ وسیم کام کرتے نظر آئیں گے۔

تبصرے (0) بند ہیں