بھارت: ریاستی انتخابات میں کانگریس کی فتح پر جشن
بھارت کی 5 ریاستوں میں ہونے والے انتخابات میں وزیر اعظم نریندر مودی کی جماعت بھارتیہ جنتا پارٹی (بی جے پی) ایک بھی ریاست میں نمائندگی حاصل کرنے میں ناکام رہی اور 3 ریاستوں میں کانگریس جبکہ دیگر 2 میں مقامی جماعتوں نے کامیابی حاصل کی۔
ابتدائی نتائج کےمطابق کانگریس نے مدھیا پردیش، چھتیس گڑھ اور راجستھان میں کامیابی حاصل کی، یوں حکمراں جماعت کو تینوں ریاستوں میں بڑے دھچکے کا سامنا کرنا پڑا۔
بی جے پی مدھیا پردیش میں چند ووٹوں کے فرق سے دوسرے نمبر پر رہی، جبکہ چھتیس گڑھ میں اسے 15 سال بعد شکست ہوئی۔
کانگریس کی جانب سے 3 ریاستوں میں کامیابی حاصل کرنے کے بعد دہلی میں قائم ہیڈکوارٹرز اور دیگر شہروں میں پارٹی کارکنان اور عوام کی بڑی تعداد نے خوشی کا اظہار کیا۔
کانگریس کارکنان نے خوشی کے اظہار کے طور پر آتش بازی بھی کی۔
دوسری جانب تلنگانہ میں تلنگانہ راشٹرا سمیتھی (ٹی آر ایس) نے میدان مارا جبکہ میزورام میں میزو نیشنل فرنٹ (ایم این ایف) نے کامیابی حاصل کی۔
تبصرے (0) بند ہیں