’میں رنویر سنگھ پڈوکون کی اہلیہ ہوں‘

16 دسمبر 2018
ان دونوں کی شادی 14 اور 15 دسمبر کو ہوئی —فوٹو/ اسکرین شاٹ
ان دونوں کی شادی 14 اور 15 دسمبر کو ہوئی —فوٹو/ اسکرین شاٹ

بولی وڈ اداکار رنویر سنگھ اور اداکارہ دپیکا پڈوکون کی شادی رواں سال نومبر میں ہوئی، جن کی تصاویر اور ویڈیوز ابھی بھی سوشل میڈیا پر وائرل ہیں۔

رنویر سنگھ اور دپیکا پڈوکون گزشتہ 6 سالوں سے ایک ساتھ ہیں، جبکہ انہوں نے کبھی بھی کھل کر اپنے رشتے کے حوالے سے بات نہیں کی۔

مزید پڑھیں: دپیکا اور رنویر شادی کے بعد ممبئی پہنچ گئے

ان دونوں کی شادی کا مداحوں کو طویل عرصے سے انتظار تھا، تاہم نومبر میں اٹلی میں شادی کے بعد ان کی تصاویر دیکھنے کے لیے بھی مداح بےتاب رہے۔

View this post on Instagram

❤️

A post shared by Deepika Padukone (@deepikapadukone) on

تاہم اب یہ دونوں ذاتی زندگی کے ساتھ ساتھ کیریئر میں بھی واپس مصروف ہوگئے ہیں۔

جہاں رنویر سنگھ اپنی آنے والی فلم ’سمبا‘ کی تشہیر میں مصروف ہیں، وہیں دپیکا بھی جلد اپنی نئی فلم کی شوٹنگ کا آغاز کریں گی، جس کی وہ پروڈکشن بھی کرنے جارہی ہیں۔

اس کے علاوہ دپیکا پڈوکون کئی انٹرویوز بھی دے رہی ہیں، جن میں سے فلم فیئر کو دیا ایک انٹرویو سوشل میڈیا پر خوب وائرل ہورہا ہے۔

اس انٹرویو میں دپیکا پڈوکون نے اپنا تعارف دپیکا پڈوکون رنویر سنگھ پڈوکون کی اہلیہ کے طور پر کروایا۔

جس سے مداحوں کو ذہن میں یہ سوال اٹھا کہ کیا دپیکا کے بجائے رنویر سنگھ اپنا نام تبدیل کرنے جارہے ہیں، تاہم بعدازاں یہ بات سامنے آئی کہ دپیکا یہ بات مذاق میں کہہ رہی تھیں۔

یاد رہے کہ رواں سال شادی کرنے والی سونم کپور کے شوہر آنند اہوجا نے بھی اپنا نام تبدیل کرکے سونم کپور کا نام اپنایا تھا۔

اس کے علاوہ اس انٹرویو میں دپیکا سے ایک مداح کا سوال بھی پوچھا گیا جس نے دپیکا اور رنویر کے اتنی طویل شادی اور اس پر کیے اخراجات کے حوالے سے پوچھا کہ کیا وہ اپنے سارے پیسے شادی پر ختم کردیں گے؟

اس پر اداکارہ نے کہا کہ ’میرے پاس بہت پیسے ہیں، آپ فکر نہ کریں‘۔

عموماً بہت سے اداکار شادی کے بعد اپنے فلمیں سائن کرنے کے معاہدے میں نو کسنگ کی پالیسی کو حصہ بنا لیتے ہیں، یعنی وہ فلم میں کام کرنے کی چند شرائط میں سے ایک یہ بھی رکھتے ہیں کہ وہ دوسرے کسی اداکارہ کو ہونٹوں پر بوسہ نہیں دیں گے، تو یہی سوال دپیکا سے بھی پوچھا گیا، تاہم اداکارہ نے اس پر کوئی جواب نہیں دیا۔

یہ بھی پڑھیں: شادی ہوتے ہی دپیکا کیمرا مین کیلئے ‘بھابی جی‘ بن گئیں

یاد رہے کہ دپیکا اور رنویر نے اٹلی میں 14 اور 15 دسمبر کو شادی کی، جس سے قبل ان کی مہندی کی تقریب میں اٹلی میں منعقد ہوئی تھی۔

اس کے علاوہ دپیکا اور رنویر کے شادی کے استقبالیہ بنگلور اور ممبئی میں منعقد ہوئے، اس کے علاوہ ایک پارٹی بھی ممبئی میں رکھی گئی۔

واضح رہے کہ ایک انٹرویو میں رنویر سنگھ سے بھی سوال کیا گیا تھا کہ کیا وہ شادی کے بعد اپنے جوشیلے انداز کو تبدیل کریں گے۔

اس پر اداکار نے کہا تھا کہ ’میں شادی کی وجہ سے خود کو کبھی تبدیل نہیں کروں گا، نہ ہی دپیکا کو کچھ تبدیل کرنے کو کہوں گا‘۔

رنویر سنگھ سے شادی کے بعد بچوں کے حوالے سے جب پوچھا گیا تو انہوں نے کہا کہ ’یہ میرا فیصلہ نہیں، میں نے اس کا حق دپیکا کو دیا ہے، وہ بہتر فیصلہ کرسکتی ہے‘۔

ضرور پڑھیں

تبصرے (0) بند ہیں