نک سے شادی کے بعد پریانکا کا امریکا میں 65 لاکھ ڈالر کا شاندار بنگلہ

15 جنوری 2019
دونوں کی شادی گزشتہ سال دسمبر میں ہوئی —فوٹو/ اسکرین شاٹ
دونوں کی شادی گزشتہ سال دسمبر میں ہوئی —فوٹو/ اسکرین شاٹ

بولی وڈ اداکارہ پریانکا چوپڑا کی گزشتہ سال دسمبر میں امریکی گلوکار نک جونس کے ساتھ شادی ہوئی تھی، جس کے بعد یہ دونوں ایک ساتھ متعدد ایونٹس میں نظر آئے۔

تاہم اب طویل عرصے کی مصروفیت کے بعد پریانکا آخر کار امریکا میں اپنے گھر لوٹ گئیں۔

دلچسپ بات یہ ہے کہ نک جونس نے پریانکا کو شادی سے قبل امریکی شہر لاس اینجلس میں ایک شاندار بنگلہ تحفے میں دیا تھا۔

اس سے قبل پریانکا امریکا میں کرائے کے فلیٹ میں رہتی تھیں، تاہم اب وہ اس بنگلے میں زندگی گزار رہی ہیں۔

اداکارہ کے اس بنگلے کی تصاویر بھی سوشل میڈیا پر وائرل ہیں، جسے دیکھ کر شائقین بےحد حیران ہورہے ہیں۔

رپورٹس کے مطابق یہ بنگلہ لاس اینجلس کے پوش علاقے بیورلی ہلز میں موجود ہے، جس کی قیمت 65 لاکھ ڈالر بنتی ہے، جو پاکستانی 90 کروڑ سے زائد روپے ہیں۔

اس بنگلے میں 5 بیڈ رومز، 4 باتھ روم اور ایک سوئمنگ پول موجود ہے۔

رپورٹ میں مزید بتایا گیا کہ نک جونس نے یہ شاندار بنگلہ پریانکا کو شادی کی پیشکش کرنے سے چند ماہ قبل خریدا تھا۔

یاد رہے کہ نک اور پریانکا کی ملاقات پہلی بار 2017 کے کانز فلمی میلے کے ’میٹ گالا‘ پر ہوئی جہاں یہ دونوں ایک ساتھ جلوہ گر ہوئے تھے، جس کے بعد ان دونوں کے درمیان تعلقات استوار ہوئے۔

مزید پڑھیں: پریانکا چوپڑا اور نک جونس نے عیسائی رسومات کے تحت شادی کرلی

25 سالہ گلوکار نک جونس عمر میں پریانکا چوپڑا سے 10 سال چھوٹے ہیں۔

View this post on Instagram

And forever starts now... ❤️ @nickjonas

A post shared by Priyanka Chopra Jonas (@priyankachopra) on

ان کی شادی گزشتہ سال جودھ پور میں ہوئی۔

جس کے بعد شادی کے تین استقبالیہ منعقد کیے گئے۔

View this post on Instagram

And forever starts now... ❤️ @nickjonas

A post shared by Priyanka Chopra Jonas (@priyankachopra) on

کام کے حوالے سے بات کی جائے تو پریانکا بہت جلد اپنی بھارتی فلم ’دی سکائے از پنک‘ کی شوٹنگ مکمل کریں گی۔

اس فلم میں فرحان اختر اور زائرہ وسیم بھی اہم کرداروں میں نظر آئیں گے۔

ضرور پڑھیں

تبصرے (0) بند ہیں