کراچی: پاکستان سپر لیگ (پی ایس ایل) 2019 کی پاکستان آمد ہوچکی ہے جس کے لیے شائقین میں جوش و خروش دیکھا جارہا ہے۔

اس سے قبل پی ایس ایل 2019 کے ابتدائی 26 میچز متحدہ عرب امارات (یو اے ای) کے شہر دبئی، ابوظہبی اور شارجہ کے میدانوں میں کھیلے گئے تھے۔

کراچی کے نیشنل اسٹیڈیم میں کل 8 میچز کھیلے جائیں گے جن کا سلسلہ 9 مارچ کو اسلام آباد یونائیٹڈ اور لاہور قلندرز کے مابین ہونے والے میچ سے شروع ہوگیا جبکہ ایونٹ کا فائنل 17 مارچ کو کھیلا جائے گا۔

اسلام آباد یونائیٹڈ اور لاہور قلندرز کے درمیان ہونے والے میچ کے دوران سیکیورٹی کے غیرمعمولی اقدامات کیے گئے تھے۔

شائقین کی بڑی تعداد اس میچ سے محظوظ ہونے کے لیے بڑی تعداد میں نیشنل اسٹیڈیم کراچی پہنچے۔