وزیراعظم عمران خان نے کہا ہے کہ قبائلی علاقہ جات کو قومی دھارے میں لانے کے حوالے سے ایک اور وعدہ پورا کر دیا ہے اور باجوڑ کی تحصیل خار میں پیر سے تھری جی سروس کا آغاز کر دیا گیا ہے۔

عمران خان نے سماجی رابطے کی ویب سائٹ ٹوئٹر پر بیان جاری کرتے ہوئے کہا ہے کہ قبائلی علاقوں جنہیں فاٹا کے نام سے جانا جاتا تھا، کو قومی دھارے میں لانے کے لئے ایک اور وعدہ پورا کرلیا ہے۔

وزیراعظم نے کہا کہ گزشتہ جمعہ کو ایک جلسہ عام میں انہوں نے باجوڑ کے لوگوں سے 3 جی سروس کی فراہمی کا وعدہ کیا تھا چنانچہ اس وعدے کو پورا کرتے ہوئے باجوڑ کی تحصیل خار میں آج سے 3 جی سروس کا آغاز کر دیا گیا ہے۔

خیال رہے کہ گزشتہ ہفتے وزیر اعظم عمران خان نے باجوڑ میں جلسہ عام سے خطاب کرتے ہوئے کہا تھا کہ ان کی حکومت این ایف سی ایوارڈ میں سے ملنے والا 3 فیصد حصہ قبائلی علاقوں میں ترقی کے لیے خرچ کرے گی۔

مزید پڑھیں: ’این ایف سی ایوارڈ سے ملنے والا 3 فیصد حصہ قبائلی علاقوں پر خرچ کریں گے‘

انہوں نے کہا کہ باجوڑ میں انٹرنیٹ لانے سے متعلق جوش دیکھ کر خوشی ہوئی،باجوڑ کے نوجوان شعور رکھتے ہیں، اسلام آباد پہنچتے ہی محمود خان سے رابطہ کرکے آپ کو انٹرنیٹ پہنچانے کی کوشش کریں گے۔

عمران خان نے کہا کہ قبائلی علاقوں میں جنگ کی وجہ سے تباہی ہوئی ابھی بھی بڑی تعداد میں گھر اور دکانیں گری ہوئیں ہیں ایک فیصلہ ہوا تھا کہ این ایف سی ایوارڈ سے تمام صوبے اپنے حصے سے 3 فیصد پیسہ قبائلی علاقے کو دیں گے۔

ضرور پڑھیں

تبصرے (0) بند ہیں