بھارتی ٹیلی ویژن کے کامیاب اداکار نے اتنا وزن کیسے کم کرلیا؟

10 جولائ 2019
اداکار نے اپنی حیران کن تبدیلی کی تصاویر شیئر کی —فوٹو/ اسکرین شاٹ
اداکار نے اپنی حیران کن تبدیلی کی تصاویر شیئر کی —فوٹو/ اسکرین شاٹ

بھارتی ٹیلی ویژن کے نامور اداکار رام کپور نے کئی ڈراموں میں مرکزی کردار نبھایا اور ایک دور میں انڈسٹری پر چھائے رہے، جس کے بعد انہوں نے فلموں میں بھی اپنا کیریئر آزمایا لیکن آہستہ آہستہ ناکامی کی طرف جانے لگے اور پھر اسکرین سے غائب ہوگئے۔

اداکار نے حال ہی میں اپنے سوشل میڈیا اکاؤنٹس پر اپنی تصاویر شیئر کی، جس میں انہوں نے لکھا کہ 'کیا حال ہیں سب کے؟ بہت دن ہوگئے دیکھے ہوئے'۔

View this post on Instagram

Wassssup peeps!! Long time no see

A post shared by Ram Kapoor (@iamramkapoor) on

ان تصاویر میں رام کپور کو پہچاننا انتہائی مشکل تھا، کیوں کہ وہ پہلے سے بےحد مختلف نظر آرہے ہیں۔

جس کے بعد مداحوں نے اداکار کے اس نئے انداز کو سراہاتے ہوئے لکھا کہ وہ پہلے سے کافی زیادہ فٹ اور اسمارٹ نظر آرہے ہیں۔

جبکہ کئی مداحوں نے یہ بھی لکھا کہ وہ اس وقت بھی اچھے نظر آتے تھے جب ان کا وزن بڑھا ہوا تھا۔

رام کپور نے انسٹاگرام پر شیئر کردہ ایک اور پوسٹ میں اپنے ان دونوں کی تصویر کو آج کی تصویر کے ساتھ بھی جوڑا جس میں ان کا وزن بڑھا ہوا تھا۔

View this post on Instagram

😘

A post shared by Ram Kapoor (@iamramkapoor) on

اداکار نے ان تصاویر کے ساتھ یہ تو شیئر نہیں کیا کہ انہوں نے اپنا وزن اس حد تک کم کیسے کیا، تاہم وہ اپنی اس تبدیلی سے بےحد خوش نظر آرہے ہیں۔

یاد رہے کہ رام کپور 1997 میں 'نیائے' نامی ڈرامے کے ساتھ ٹیلی ویژن انڈسٹری میں ڈیبیو کیا۔

وہ 'گھر ایک مندر'، 'کیوں کہ سانس بھی کبھی بہو تھی' اور 'بڑے اچھے لگتے ہیں' جیسے ڈراموں میں کام کرچکے ہیں۔

انہوں نے 'اسٹوڈنٹ آف دی ایئر'، 'شادی کے سائڈ افیکٹ'، 'بار بار دیکھو' اور 'لو یاتری' جیسی فلموں میں بھی کام کیا۔

رام کپور نے ٹیلی ویژن کی کامیاب اداکار گوتمی کپور سے 2003 میں شادی کی تھی۔

View this post on Instagram

Somebody please HELP MEEEEE!!!

A post shared by Ram Kapoor (@iamramkapoor) on

تبصرے (0) بند ہیں