جسٹس ریٹائرڈ دوست محمد خان گھر میں آگ لگنے کے باعث زخمی

12 جولائ 2019

ای میل

سابق جج کے گھر میں آگ شارٹ سرکٹ کے باعث لگی، پمز انتظامیہ — فائل فوٹو
سابق جج کے گھر میں آگ شارٹ سرکٹ کے باعث لگی، پمز انتظامیہ — فائل فوٹو

سپریم کورٹ کے ریٹائرڈ جسٹس دوست محمد خان گھر میں آگ لگنے کے باعث جھلس گئے۔

جسٹس ریٹائرڈ دوست محمد گھر میں آتشزدگی کے باعث بُری طرح جھلس گئے ہیں اور انہیں پمز ہسپتال اسلام آباد منتقل کیا گیا ہے۔

پمز ہسپتال ذرائع کے مطابق جسٹس ریٹائرڈ دوست محمد خان کو پمز ہسپتال کے بَرنز وارڈ لایا گیا، جہاں انہیں ابتدائی طبی امداد دی گئی۔

ذرائع کا کہنا تھا کہ دوست محمد خان کے جسم کا 22 فیصد حصہ جل گیا تھا، تاہم اب ان کی حالت خطرے سے باہر ہے۔

پمز انتظامیہ کے مطابق دوست محمد خان گزشتہ روز اپنے کمرے میں ہونے والے شارٹ سرکٹ کے باعث جھلس کر زخمی ہوگئے تھے۔

شارٹ سرکٹ کے باعث ان کا چہرہ، بازو اور پیٹ جھلس گئے تھے۔