شاہ رخ خان ہارر سیریز پروڈیوس کرنے کے لیے تیار

اپ ڈیٹ 16 جولائ 2019

ای میل

بولی وڈ اداکار نے خود تاحال سیریز کے حوالے سے کوئی اعلان نہیں کیا —فوٹو/ اسکرین شاٹ
بولی وڈ اداکار نے خود تاحال سیریز کے حوالے سے کوئی اعلان نہیں کیا —فوٹو/ اسکرین شاٹ

بولی وڈ اداکار شاہ رخ خان کو رومانس کا کنگ کہا جاتا ہے لیکن کیا کسی نے سوچا تھا کہ وہ ڈراؤنی فلموں کا بھی حصہ بن سکتے ہیں؟

اگر نہیں تو دلچسپ بات یہ ہے کہ شاہ رخ خان نیٹ فلکس کی ہارر سیریز کی مشترکہ پروڈکشن کرنے جارہے ہیں تاہم ابھی تک یہ بات سامنے نہیں آئی کہ شاہ رخ خود اس کا حصہ بنتے نظر آئیں گے یا نہیں۔

شاہ رخ خان کی پروڈکشن کمپنی ریڈ چلیز ایک ڈراؤنی سیریز کی پروڈکشن کررہی ہے جسے ان کے ساتھ گورو ورما بھی پروڈیوس کریں گے۔

اس سیریز کی ہدایات پیٹرک گراہم اور نکھل مہاجن دیں گے۔

خیال رہے کہ پیٹرک گراہم اس سے قبل رادھیکا آپٹے کی نیٹ فلکس پر سامنے آنے والی سیریز 'گھول' کی ہدایات بھی دے چکے ہیں۔

اس نئی ہارر سیریز کا نام 'بےتال' رکھا گیا ہے جس میں ونیت کمار سنگھ اور اہان کمرا کام کرتی نظر آئیں گی۔

ویسے تو اب تک شاہ رخ خان نے خود اس سیریز میں کام کرنے کے حوالے سے کوئی اعلان نہیں کیا، البتہ امید ہے کہ وہ خود بھی اس سیریز میں اداکاری کرتے نظر آئیں۔

واضح رہے کہ شاہ رخ خان نے اپنے کیریئر میں رومانوی، کامیڈی اور منفی ہر طرح کی اداکاری کی ہے، البتہ آج تک وہ کسی فلم میں مداحوں کو ڈراتے نظر نہیں آئے۔

البتہ ان کی فلمیں 'بھوت ناتھ'، 'چمتکار' اور 'پہیلی' بھوتوں کی کہانی پر ہی مبنی تھیں۔