امریکا کی ریاست کیلیفورنیا کے علاقےونڈسر میں بھڑک اٹھنے والی آگ نے خطرناک انداز میں پورے علاقے کو لپیٹ میں لے لیا اور حکام نے وارننگ جاری کردی ہے کہ 70 کلومیٹر فی گھنٹہ کی رفتار سے آگ پھیل رہی ہے۔

نیشنل ویدر سروس کی جانب سے جاری ایڈوائزری میں کہا گیا کہ کیلیفورنیا کے جنوبی علاقے میں دوپہر کے وقت آگ لگی جہاں 4 ہزار 500 سے زائد فائر فائٹر آگ بجھانے میں مصروف ہیں جبکہ ہیلی کاپٹر کی مدد سے بھی آگ پر قابو پانے کی کوشش کی جارہی ہے۔

آگ لگنے کے باعث علاقہ مکینوں کو فوری طور پر محفوظ مقامات پر منتقل ہونا پڑا جس کے لیے حکام نے بھرپور اقدامات کیے تھے۔

کیلیفورنیا کے گورنر نے ایمرجنسی نافذ کرکے امدادی کاموں کی رفتار تیز کرنے کی ہدایت کی۔