متعدد اداکاروں نے ’جنسی تعلقات‘ استوار کرنے کا کہا، بولی وڈ اداکارہ

اپ ڈیٹ 19 نومبر 2019
ایشا کوپیکر نے رواں برس کے آغاز میں ہی سیاست میں انٹری دی تھی—فوٹو: انسٹاگرام
ایشا کوپیکر نے رواں برس کے آغاز میں ہی سیاست میں انٹری دی تھی—فوٹو: انسٹاگرام

’عشق سمندر‘ اور ’خلاص‘ جیسے بولی وڈ کے ٹرینڈ سیٹر آئٹم گانوں میں پرفارمنس کرنے والی بولی وڈ اداکارہ 43 سالہ ایشا کوپیکر نے دعویٰ کیا ہے کہ انہیں متعدد ساتھی اداکاروں نے ’جنسی تعلقات‘ استوار کرنے کی پیش کش کی۔

ایشا کوپیکر اگرچہ گزشتہ کچھ عرصے سے فلمی دنیا سے دور ہیں، تاہم ماضی میں انہیں ’خلاص‘ آئٹم گرل اور ’عشق سمندر‘ گرل کے نام سے جانا جاتا رہا ہے۔

ایشا کوپیکر نے متعدد فلموں میں نہ صرف آئٹم سانگ کیے بلکہ انہوں نے انتہائی بولڈ کردار بھی ادا کیے، تاہم انہیں زیادہ تر مختصر کردار ہی دیے جاتے رہے۔

ایشا کوپیکر کو جہاں بولی وڈ میں مختصر کردار دیے جاتے رہے یا انہیں معاون ہیروئن کے طور پر کاسٹ کیا جاتا رہا، وہیں وہ تامل اور تیلگو سمیت دیگر بھارتی زبانوں میں بننے والی فلموں میں اہم کرداروں میں دکھائی دیں۔

اداکارہ نے خصوصی انٹرویو میں کئی حیران کن انکشافات کیے—فوٹو: انسٹاگرام
اداکارہ نے خصوصی انٹرویو میں کئی حیران کن انکشافات کیے—فوٹو: انسٹاگرام

ایشا کوپیکر نے اداکاری کی شروعات بھی تامل فلموں سے کی تھی، تاہم 2000 میں وہ بولی وڈ میں آئٹم گرل کے طور پر سامنے آئیں اور مشہور تھرلر فلم ’کانٹے‘ میں ’عشق سمندر‘ گانے پر پرفارمنس کرکے مشہور ہوئیں۔

ایشا کوپیکر نے متعدد فلموں میں جہاں مختصر کردار ادا کیے، وہیں انہوں نے فلم پروڈکشن میں بھی قسمت آزمائی اور وہ ٹی وی پر بھی دکھائی دیں۔

ایشا کوپیکر نے ایک دہائی قبل 2009 میں شادی کی تھی، جس کے بعد وہ فلموں میں کم دکھائی دیں اور ان کی آخری فلم ’شبری‘ 2011 میں ریلیز ہوئی تھی۔

ماضی میں ایشا کوپیکر کو آئٹم گرل بھی کہا جاتا تھا—فوٹو: انسٹاگرام
ماضی میں ایشا کوپیکر کو آئٹم گرل بھی کہا جاتا تھا—فوٹو: انسٹاگرام

فلموں سے دور ایشا کوپیکر نے رواں برس کے آغاز میں ہی سیاست میں انٹری دی تھی اور انہوں نے حکمران جماعت ’بھارتی جنتا پارٹی‘ میں شمولیت اختیار کی تھی۔

بی جے پی میں شمولیت اختیار کرنے کے بعد انہیں خواتین ونگ میں ذمہ داریاں بھی سونپی گئی تھیں، تاہم انہوں انتخابات میں حصہ نہیں لیا تھا۔

سیاست میں انٹری دینے اور شوبز سے دور رہنے کے بعد اب ایشا کوپیکر کا ایک اہم بیان سامنے آیا ہے، جس میں انہوں نے صرف ساتھی اداکاروں بلکہ فلم سازوں پر بھی سنگین الزامات لگائے ہیں۔

شوبز ویب سائٹ ’پنک ولا‘ کو دیے گئے خصوصی انٹرویو میں ایشا کوپیکر نے انکشاف کیا کہ آئٹم گانے کرنے اور بولڈ کردار ادا کرنے کی وجہ سے متعدد ساتھی اداکاروں نے انہیں ’جنسی تعلقات‘ استوار کرنے کی پیش کش کی۔

ایشا کوپیکر نے ٹی وی پر بھی جوہر دکھائے—فوٹو: انسٹاگرام
ایشا کوپیکر نے ٹی وی پر بھی جوہر دکھائے—فوٹو: انسٹاگرام

ایشا کوپیکر نے یہ انکشاف بھی کیا کہ فلم ساز نے انہیں 2000 میں ریلیز ہونے والی فلم ’کانٹے‘ میں سنجے دت کی گرل فرینڈ کے طور پر کاسٹ کیا تھا، تاہم بعد ازاں ان کا کردار ختم کرکے ان سے آئٹم سانگ ’عشق سمندر‘ کروایا گیا۔

انہوں نے یہ بھی بتایا کہ شوبز انڈسٹری میں ان کا جنسی استحصال کیا جاتا رہا اور انہیں صرف آئٹم سانگ کے لیے کاسٹ کیا جاتا رہا۔

ایشا کوپیکر کے مطابق ایک ڈائریکٹر نے انہیں فلم کی شوٹنگ کے دوران علی الصبح بلایا اور ساتھ ہی ہدایت کی کہ وہ اکیلی آئیں، تاہم انہوں نے ایسا کرنے سے انکار کردیا اور کہا کہ وہ اپنے ڈرائیور کے ساتھ آئیں گی۔

اداکارہ نے 2009 میں شادی کی، انہیں ایک بچی بھی ہے—فوٹو: انسٹاگرام
اداکارہ نے 2009 میں شادی کی، انہیں ایک بچی بھی ہے—فوٹو: انسٹاگرام

سابق اداکارہ کے مطابق فلم انڈسٹری میں جب کوئی خاتون کسی کام کے لیے منع کرتی ہے تو اسے کام نہیں دیا جاتا۔

ایشا کوپیکر نے اگرچہ انکشاف کیا کہ انہیں ساتھی اداکاروں نے جنسی تعلقات استوار کرنے کی پیش کش کی، تاہم انہوں نے کسی بھی اداکار کا نام نہیں لیا۔

ایشا کوپیکر نامور اداکاروں سنجے دت، ارجن رام پال، اجے دیوگن، گووندا اور وویک اوبرائے سمیت دیگر کے ساتھ بھی کام کر چکی ہیں۔

اداکارہ نے بولی وڈ ڈائریکٹرز کے رویوں پر بھی کھل کر بات کی—فوٹو: انسٹاگرام
اداکارہ نے بولی وڈ ڈائریکٹرز کے رویوں پر بھی کھل کر بات کی—فوٹو: انسٹاگرام

ضرور پڑھیں

تبصرے (0) بند ہیں