پاکستان سپرلیگ (پی ایس ایل) 2020 میں لاہور قلندرز نے مسلسل 3 شکستوں کے بعد پہلی فتح کوئٹہ گلیڈی ایٹرز کو 37 رنز سے شکست دے کر حاصل کی۔

قذافی اسٹیڈیم میں کھیلے گئے ٹورنامنٹ کے 16 ویں میچ میں سرفراز احمد نے ٹاس جیت کر لاہور قلندرز کو پہلے بیٹنگ کی دعوت دی تو سمیت پٹیل اور بین ڈنک نے شان دار بیٹنگ کرتےہوئے رواں سیزن کا سب سے بڑا اسکور بورڈ پر سجایا اور دونوں بلے بازوں نے نصف سنچریاں بھی مکمل کیں۔

لاہور قلندرز نے مقررہ 20 اوورز میں 5 وکٹوں پر 209 رنز بنائے، بین ڈنک 93 رنز بنا کر ناقابل شکست رہے تاہم سمیت پٹیل 71 رنز بنا کر آؤٹ ہوئے۔

کوئٹہ گلیڈی ایٹرز کی پوری ٹیم اننگز کی آخری گیند پر 172 رنز بنا کر آؤٹ ہوئی اور 37 رنز سے شکست ہوئی، ان کی اننگز میں بین کٹنگ کے جارحانہ 53 رنز بھی شامل تھے جس میں انہوں نے 3 چوکے اور 5 چھکے لگائے۔