راولپنڈی کرکٹ اسٹیڈیم میں کھیلے گئے پاکستان سپر لیگ (پی ایس ایل) 2020 کے 17 ویں میچ میں اسلام آباد یونائیٹڈ نے لاہور قلندرز کو 71 رنز سے شکست دے کر پوائنٹس ٹیبل میں دوسری پوزیشن حاصل کرلی۔

اسلام آباد یونائیٹڈ نے پہلے بیٹنگ کرتے ہوئے کولن منرو کی ناقابل شکست اننگز کی بدولت 3 وکٹوں پر 198 رنز بنا کر لاہور کو ایک مشکل ہدف دے دیا جہاں دوسری بیٹنگ شروع ہونے سے قبل بارش ہوئی اور اننگز بھی تاخیر کا شکار ہوئی۔

لاہور قلندرز کی ٹیم ہدف کے تعاقب میں شدید دباؤ کا شکار نظر آئی اور پوری ٹیم 127 رنز پر آؤٹ ہو کر میچ 71 رنز سے ہار گئی۔

یونائیٹڈ کے کولن منرو کو میچ کا بہترین کھلاڑی قرار دیا گیا۔