کمشنر مکران ڈویژن نے محکمہ داخلہ بلوچستان کے حکم پر گوادر، تربت اور پنجگور میں دفعہ 144 نافذ کرنے کے احکامات جاری کر دیے۔

مکران کے تینوں اضلاع میں جلسہ جلوس اور 10 افراد کے اجتماع پر پابندی عائد کردی گئی، جبکہ کھیلوں کے مقابلوں پر بھی ایک ماہ کی پابندی عائد ہوگی۔

دفعہ 144 کے تحت تعلیمی اجتماعات سمیت شادی اور تفریحی مقامات جہاں پر 10 افراد جمع ہوں پابندی ہوگی، جبکہ شب برات کے موقع پر بلوچستان بھر اور صوبہ سندھ سے زکری زائرین کی تربت آمد پر بھی پابندی عائد کردی گئی ہے۔

کمشنر مکران نے کہا کہ دفعہ 144 کی خلاف ورزی کرنے والے افراد کے خلاف تینوں اضلاع کے ڈپٹی کمشنر فوری کارروائی کریں گے۔

تبصرے (0) بند ہیں