ملک بھر میں کورونا وائرس کے تیزی سے پھیلاؤ کے پیش نظر وفاقی دارالحکومت اسلام آباد میں احتیاطی تدابیر کے طور پر 15دن کے لیے دفعہ 144 نافذ کردی گئی ہے۔

ڈسٹرکٹ مجسٹریٹ اسلام آباد محمد حمزہ شفقت کے کے دفتر سے جاری اعلامیے میں کہا گیا کہ انسانی جانوں پر کورونا وائرس کے موذی اثرات کو روکنے کے لیے ہمیں جنگی بنیادوں پر ہر ممکنہ اقدامات کرنے کی ضرورت ہے۔

دفعہ 144 کے نفاذ کے بعد اسلام آباد میں لوگوں میں سماجی رابطہ اور فاصلہ برقرار رکھنے کے لیے تمام شاپنگ مال، دکانیں اور ریسٹورنٹ رات 10بجے تک بندکردیے جائیں گے۔

تاہم ان پابندیوں کا اطلاق اشیائے خورونوش اور ادویہ کی دکانوں، فارمیسیز، کلینکس، بیکری، آٹا چکی، پیٹرول پمپ وغیرہ پر نہیں ہو گا۔

دفعہ 144 کا نفاذ فوری طور پر کردیا گیا ہے اور یہ اگلے 15دن تک نافذ رہے گی اور اس کی خلاف ورزی پر قانون کے مطابق سزا دی جائے گی۔

تفصیلی خبر پڑھنے کیلئے یہاں کلک کریں

تبصرے (0) بند ہیں