کراچی میں کورونا وائرس کے خطرے سے عوام کو محفوظ رکھنے اور لاک ڈاؤن کے حوالے سے پولیس حکام نے عوام کو آگاہی فراہم کرنے کا آغاز کردیا۔

ڈی ایس پی بغدادی نے ایس ایچ او کلری کے ہمراہ جمعہ بلوچ روڈ، شاہ عبدالطیف بھٹائی روڈ اور ماڑی پور روڈ پر پیدل گلیوں میں لوگوں کو زیادہ سے زیادہ اپنے گھروں میں رہنے کی ہدایت دی۔

انہوں نے عوام کو بتایا کہ ایک دوسرے سے فاصلہ رکھیں اور گلیوں میں رش کم کریں جبکہ بوجہ مجبوری گھر سے باہر نہ نکلیں۔

اس کے علاوہ اپنے ہاتھ صابن سے دھوتے رہیں اور ایک دوسرے سے ہاتھ ملانے سے پرہیز کریں جبکہ اگر کسی کو چھینک آیے یا نزلہ زکام کی شکایت ہو خود کو اپنے اہل خانہ سے علیحدہ کر لیں اور اپنا کورونا وائرس ٹیسٹ کروائیں.