عالمی وبا کورونا وائرس کے باعث نہ صرف دنیا بھر میں باقاعدہ ملازمتیں متاثر ہوئی ہیں بلکہ فری لانس ورک بھی متاثر ہوا ہے کیونکہ اکثر پاکستانی فری لانسرز کا ماننا ہے کہ کووڈ-19 کے باعث کام کی طلب میں نمایاں کمی آئی ہے۔

ڈان اخبار کی رپورٹ کے مطابق 64 فیصد پاکستانی فری لانسرز کی یہ رائے حالیہ سروے میں سامنے آئی جس میں کہا گیا کہ کاروباروں اور کمپنیوں نے فری لانسنگ کی لاگت میں کمی کردی ہے اور نئے منصوبوں پر کام روک دیا ہے۔