دنیا بھر میں خوف کی علامت بننے والے کورونا وائرس سے سنجیدہ نہ لینے والے برازیل کے صدر جیئر بولسونارو خود وبا کا شکار ہوگئے۔

غیر ملکی خبر ایجنسی 'اے پی' کے مطابق دارالحکومت برازیلیا میں میڈیا سے بات کرتے ہوئے جیئر بولسونارو نے اپنا کورونا ٹیسٹ مثبت آنے کی تصدیق کرتے ہوئے کہا کہ 'میں بلکل ٹھیک ہوں اور یہاں چلنا بھی چاہتا ہوں لیکن طبی وجوہات کی وجہ سے ایسا نہیں کر سکتا۔'

جیئر بولسونارو اکثر عوام کے درمیان آکر حامیوں سے مصٓفحہ کرتے تھے اور ان میں گھل مل جاتے تھے، جبکہ ایسا کرنے کے دوران انہوں نے اکثر ماسک نہیں پہنا ہوتا تھا۔