خیبر پختونخوا کے مزید 11 اساتذہ کورونا سے متاثر
19 ستمبر 2020
خیبر پختونخوا کے تعلیمی اداروں میں مزید 11 اساتذہ کا کورونا ٹیسٹ مثبت آگیا جس کے بعد صوبے میں متاثرہ اساتذہ کی تعداد 30 ہوگئی ہے۔
محکمہ صحت خیبر پختونخوا کے مطابق ان 11 اساتذہ میں سے 2 کا تعلق شہید بےنظیر بھٹو ویمن یونیورسٹی پشاور، ایک کا سرحد یونیورسٹی پشاور جبکہ 8 کا تعلق کوہاٹ، چارسدہ اور اپر کرم کے سرکاری اسکولوں سے ہے۔
ان اساتذہ کو قرنطینہ میں رہنے کی ہدایت کی گئی ہے تاہم ان کے تعلیمی ادارے کھلے رہیں گے۔
تبصرے (0) بند ہیں