اداکارہ رباب ہاشم شادی کے بندھن میں بندھ گئیں

اپ ڈیٹ 28 نومبر 2020

ای میل

دیگر 2 تقریبات کی طرح ان کے نکاح کی تصاویر بھی سوشل میڈیا پر وائرل ہورہی ہیں— فوٹو: انسٹاگرام
دیگر 2 تقریبات کی طرح ان کے نکاح کی تصاویر بھی سوشل میڈیا پر وائرل ہورہی ہیں— فوٹو: انسٹاگرام

پاکستانی اداکارہ رباب ہاشم شادی کے بندھن میں بندھ گئیں اور دیگر 2 تقریبات کی طرح ان کے نکاح کی تصاویر بھی سوشل میڈیا پر وائرل ہورہی ہیں۔

رباب ہاشمی نے 3 روز قبل انسٹاگرام پر اپنی مایوں کی تصاویر شیئر کرکے مداحوں اور فالوورز کو حیران کردیا تھا۔

خیال رہے کہ اداکارہ نے فوٹو اینڈ ویڈیو شیئرنگ ایپ انسٹاگرام پر اپنی مایوں کی تصاویر شیئر کی تھیں جن میں وہ پیلے رنگ کے سادہ سے لباس میں ملبوس تھیں اور ان کے ہاتھوں پر مہندی لگی ہوئی تھی۔

— فوٹو: انسٹاگرام
— فوٹو: انسٹاگرام

جس کے اگلے روز اداکارہ رباب ہاشم کی مہندی کی تقریب منعقد ہوئی جس میں انہوں نے اس تقریب کی مناسبت سے مہندی رنگ کا ہی خوبصورت لہنگا زیب تن کیا جس میں وہ بہت دلکش نظر آئیں اور اس کے ساتھ انہوں نے پھولوں سے آراستہ زیور بھی پہنا۔

— فوٹو: انسٹاگرام
— فوٹو: انسٹاگرام

اداکارہ نے اپنی شادی کے اگلے روز نکاح کی تصاویر اپنے انسٹا اکاؤنٹ پر جاری کیں جس میں وہ انتہائی خوبصورت اور دلکش نظر آئیں۔

A photo posted by Instagram (@instagram) on

رباب ہاشم نے اپنی شادی کے روز زینب چھوٹانی کا آف وائٹ رنگ کا گاؤن پہنا جبکہ دلہے نے بھی آف وائٹ رنگ کا لباس پہنا۔

A photo posted by Instagram (@instagram) on

اداکارہ رباب ہاشم کی شادی صہیب شمشاد سے ہوئی اور انہوں نے اپنے شوہر سے متعلق کوئی تفصیلات جاری نہیں کیں۔

ان کی شادی کا فوٹو شوٹ ساحل سمندر کی طرف کیا گیا اور ان کے نکاح کی تصاویر کو بہت پسند کیا جارہا ہے۔

A photo posted by Instagram (@instagram) on

سوشل میڈیا فالوورز اور مداحوں کی جانب سے رباب ہاشم کو شادی کی مبارکباد دی گئی ہے اور ان کی زندگی کے نئے سفر کے لیے نیک تمناؤں کا اظہار کیا جارہا ہے۔

A photo posted by Instagram (@instagram) on