سندھ میں کورونا کے 270 نئے کیسز، 18 اموات رپورٹ

16 فروری 2021

وزیراعلیٰ سندھ مراد علی شاہ نے کورونا وائرس سے متعلق بیان میں کہا کہ گزشتہ 24 گھنٹوں میں 9 ہزار 504 ٹیسٹ کیے گئے اور 270 نئے کیسز رپورٹ ہوئے جبکہ 18 اموات ہوئیں۔

انہوں نے کہا کہ صوبے میں کورونا سے اموات کی مجموعی تعداد 4 ہزار 244 ہوچکی ہے جبکہ آج مزید 645 مریض صحت یاب ہوئے اور صحت یاب افراد کی مجموعی تعداد 2 لاکھ 36 ہزار 499 ہوگئی ہے۔

ان کا کہنا تھا کہ سندھ میں اب تک 28 لاکھ 92 ہزار 773 ٹیسٹ کیے جا چکے ہیں اور اب تک 2 لاکھ 54 ہزار 285 کیسز رپورٹ ہوئے۔

وزیراعلیٰ سندھ کا کہنا تھا کہ اس وقت 13 ہزار 542 مریض زیر علاج ہیں۔

تبصرے (0) بند ہیں