پشاور: نیشنل کمانڈ اینڈ آپریشن سینٹر (این سی او سی ) کی جانب سے صوبہ خیبرپختونخوا کو کورونا وائرس سے بچاؤ کی ویکسین کی بلا تعطل فراہمی کے وعدے کے بعد محکمہ صحت پشاور، چارسدہ، مردان اور سوات میں بڑے ویکسینیشن مراکز قائم کررہا ہے۔

ڈان اخبار کی رپورٹ کے مطابق خیبر میڈیکل یونیورسٹی پشاور میں منگل کے روز، نشتر ہال میں بدھ سے عوام ویکسین لگانے کا عمل شروع ہوجائے گا۔

تاہم چارسدہ، مردان اور سوات اضلاع کے کمیونٹی سینٹر میں آئندہ ہفتے ویکسینیشن مراکز کام شروع کریں گے۔