ڈپٹی کمشنر پشاور نے کورونا ویکسینشین کے حوالے سے بڑا فیصلہ کرتے ہوئے ویکسینیشن کے بغیرسرکاری سطح پر ہر قسم کی سروسز کی فراہمی پر پابندی عائد کردی۔

ڈپٹی کمشنر کی جانب سے جاری اعلامیے کے مطابق کورونا ویکسینیشن سرٹیفیکیٹ یا پیغام نہ ہونے پر حکومت کی جانب سے سروسز فراہم نہیں کی جائیں گی۔

اعلامیے کے مطابق فیصلے کا اطلاق انتقالات، ڈومیسائل سرٹیفیکیٹ، اسلحہ لائسنس، این او سی، رجسٹری، فرد اجرا، درخواست، شکایات اور دیگر سروسز پر ہوگا۔

ڈپٹی کمشنر پشاور نے محکموں کے سربراہان اورضلعے کے تمام افسران سمیت تمام متعلقہ برانچوں کے سربراہان کو فوری عمل درامد کے لیے حکم نامہ جاری کردیا ہے۔