ہواوے کے ایگزیکٹو کی رہائی کے بعد چین نے بھی کینیڈین شہریوں کو رہا کردیا

25 ستمبر 2021
ہواوے کی چیف فنانشل آفیسر اور کمپنی کے بانی کی بیٹی 49 سالہ مینگ وانژو وینکوور میں اپنے گھر کی جانب جارہی ہیں - فوٹو:اے پی
ہواوے کی چیف فنانشل آفیسر اور کمپنی کے بانی کی بیٹی 49 سالہ مینگ وانژو وینکوور میں اپنے گھر کی جانب جارہی ہیں - فوٹو:اے پی

چین کی حکومت کو عالمی ٹیلی کمیونکیشن کمپنی ہواوے ٹیکنالوجیز کی اعلی ایگزیکٹو کی واپسی کی توقع ہے جو کہ کینیڈا اور امریکہ کے ساتھ ایک اعلیٰ قیدیوں کے تبادلے کے نتیجے میں ملک واپس جائیں گی۔

غیر ملکی خبر رساں ادارے اے پی کی رپورٹ کے مطابق ہواوے کی چیف فنانشل آفیسر اور کمپنی کے بانی کی بیٹی 49 سالہ مینگ وانژو نے امریکی فیڈرل پراسیکیوٹرز کے ساتھ ایک معاہدہ کیا جس میں ان کے خلاف دھوکہ دہی کے الزامات کو اگلے سال خارج کرنے کا مطالبہ کیا گیا۔

اس معاہدے کے ایک حصے کے طور پر، جسے ایک پراسیکیوشن معاہدہ کہا جاتا ہے، انہوں نے ایران میں کمپنی کے کاروباری معاملات کو غلط انداز میں پیش کرنے کی ذمہ داری قبول کی۔

اسی دن بیجنگ میں زیر حراست دو کینیڈین شہریوں کو رہا کر کے کینیڈا واپس بھیج دیا گیا۔

مزید پڑھیں: ہواوے کی گرفتار خاتون افسر پر امریکا سے دھوکے کا الزام

مینگ وانژو کی توقع تھی کہ وہ ہفتے کے آخر میں شینزین کے جنوبی ٹیکنالوجی مرکز میں پہنچیں گے جہاں ہواوے قائم ہے۔

چینی وزارت خارجہ کے ترجمان ژاؤ لیجیان نے ایک سوشل میڈیا رپورٹ شیئر کی جس میں کہا گیا تھا کہ مینگ وانژو کینیڈا چھوڑ چکی ہیں اور کہا کہ 'گھر آنے پر خوش آمدید'۔

ایک ای میل بیان میں ہواوے نے کہا کہ وہ مینگ وانژو کی واپسی کا منتظر ہے اور 'الزامات کے خلاف اپنا دفاع جاری رکھے گا'۔

کمپنی نے مینگ وانژو کے وکیل ولیم ٹیلر کی طرف سے ایک بیان بھی جاری کیا جس میں کہا گیا کہ مینگ وانژو نے 'جرم قبول نہیں کیا ہے اور ہمیں پوری توقع ہے کہ 14 ماہ کے بعد جرم خارج ہو جائے گی'۔

یہ بھی پڑھیں: ہواوے کی اعلیٰ افسر کی گرفتاری، چین کا امریکا سے شدید احتجاج

کینیڈا کے سابق سفارت کار مائیکل کوورگ اور کاروباری شخصیت مائیکل سپوور کو دسمبر 2018 میں چین سے گرفتار کیا گیا تھا۔

اس کے فورا بعد کینیڈا نے امریکی حوالگی کی درخواست پر مینگ وانژو کو گرفتار کیا۔

چین نے ان پر قومی سلامتی کو خطرے میں ڈالنے کا الزام عائد کیا اور مائیکل کوورگ کو 11 سال قید کی سزا سنائی جبکہ ان کی گرفتاریوں کو بیجنگ کی طرف سے مینگ وانژو کیس میں فائدہ اٹھانے کی کوشش کے طور پر دیکھا گیا۔

کینیڈا کے وزیر اعظم جسٹن ٹروڈو کا کہنا ہے کہ 'یہ دونوں افراد ناقابل یقین حد تک مشکل آزمائش سے گزرے ہیں، پچھلے ایک ہزار دنوں سے انہوں نے قوت، ثابت قدمی کا مظاہرہ کیا ہے اور ہم سب اس سے متاثر ہیں'۔

اس کیس کی وجہ سے چین اور کینیڈا کے تعلقات میں بڑی دراڑ پڑ گئی تھی، بیجنگ نے کینیڈا کے انصاف کے نظام کے خلاف تنقید شروع کردی تھی اور ملک سے چند درآمدات پر پابندی لگا دی تھی۔

اس کے علاوہ چین میں منشیات کے الگ الگ مقدمات میں 2019 میں سزا یافتہ دو کینیڈین کو سزائے موت سنائی گئی تھی اور تیسرے رابرٹ شیلن برگ کو 15 سال کی سزا ملی جسے مینگ وانژو کی گرفتاری کے بعد اچانک سزائے موت میں بدل دیا گیا تھا۔۔

یہ فوری طور پر واضح نہیں ہے کہ ان قیدیوں کو کوئی نجات مل سکتی ہے۔

یہ بھی پڑھیں: چین ہمارا اہم شراکت دار اور افغانستان میں سرمایہ کاری کیلئے تیار ہے، طالبان

ہواوے فون اور انٹرنیٹ کمپنیوں کے لیے نیٹ ورک گیئر کا سب سے بڑا عالمی سپلائر ہے اور ٹیکنالوجی کی عالمی قوت بننے میں چین کی ترقی کی علامت ہے جسے بڑے پیمانے پر حکومتی پذیرائی ملی ہے۔

یہ امریکی سلامتی اور قانون نافذ کرنے والے خدشات کا بھی موضوع رہا ہے، حکام اور تجزیہ کاروں کا کہنا ہے کہ ہواوے اور دیگر چینی کمپنیوں نے بین الاقوامی قوانین اور اصولوں کی خلاف ورزی کی ہے اور ٹیکنالوجی اور اہم ذاتی معلومات چوری کی ہیں۔

مینگ وانژو کے خلاف مقدمے کا آغاز جنوری 2019 میں سابق صدر ڈونلڈ ٹرمپ کی انتظامیہ کے محکمہ انصاف کے فرد جرم سے ہوا تھا۔ انہوں نے ہواوے پر تجارتی راز چوری کرنے اور ہانگ کانگ کی شیل کمپنی اسکائی کام کا استعمال کرتے ہوئے امریکی پابندیوں کی خلاف ورزی کرتے ہوئے ایران کو سامان فروخت کرنے کا الزام لگایا تھا۔

فرد جرم میں مینگ وانژو پر ایچ ایس بی سی بینک کو ایران میں کمپنی کے کاروباری معاملات کے بارے میں گمراہ کرکے دھوکہ دہی کا ارتکاب کرنے کا بھی الزام عائد کیا۔

یہ الزام امریکی حکومت کے خدشات کے باعث ہواوے کے خلاف ٹرمپ انتظامیہ کے وسیع پیمانے پر کریک ڈاؤن کے درمیان سامنے آیا تھا کہ کمپنی کی مصنوعات چینی جاسوسی میں سہولت فراہم کرسکتی ہیں۔

انتظامیہ نے امریکی آلات اور ٹیکنالوجی بشمول گوگل پلے اور دیگر اسمارٹ فون سروسز تک ہواوے کی رسائی ختم کر دی تھی اور بعد میں دنیا بھر کے کاروباروں کو امریکی ٹیکنالوجی کو ہواوے کے لیے سامان تیار کرنے سے روک دیا تھا۔

امریکی صدر جو بائیڈن نے بھی ہواوے اور دیگر چینی کارپوریشنز پر سخت موقف اختیار کیا ہے جن کی ٹیکنالوجی سے قومی سلامتی کو خطرات لاحق ہیں۔

ہواوے نے بار بار امریکی حکومت کے الزامات اور اپنی مصنوعات کے بارے میں سیکورٹی خدشات کی تردید کی ہے۔

مینگ وانژو کے ساتھ معاہدے کے ایک حصے کے طور پر، جو بروکلین کی وفاقی عدالت میں پیش کیا گیا تھا، محکمہ انصاف نے دسمبر 2022 میں ان کے خلاف دھوکہ دہی کے الزامات کو خارج کرنے پر اتفاق کیا بشرطیکہ وہ چند شرائط کی تعمیل کریں۔

نیو یارک کے مشرقی ضلع کے لیے امریکی ڈسٹرکٹ کورٹ کے ساتھ اپنی سماعت کے لیے ویڈیو کانفرنس کے ذریعے پیش ہونے کے بعد ، مینگ نے وینکوور میں ایک مختصر عدالت میں پیشی کی ، جہاں وہ کئی ملین ڈالر کی حویلی میں رہائی کے دوران ضمانت پر رہا ہوچکی تھی جبکہ دونوں کینیڈین قید تھے۔ چینی جیل خانے میں جہاں لائٹس 24 گھنٹے رکھی جاتی تھیں۔

ضرور پڑھیں

تبصرے (0) بند ہیں