بارش کے موسم میں مزیدار بریڈ کچوری بنائیں

اپ ڈیٹ 18 نومبر 2021
لوگ عموماً بارش کے موسم میں کوئی نہ کوئی پکوان تو لازمی بناتے ہیں—فائل فوٹو: فیس بک
لوگ عموماً بارش کے موسم میں کوئی نہ کوئی پکوان تو لازمی بناتے ہیں—فائل فوٹو: فیس بک

ملک کے مختلف علاقوں میں بارشوں کا نیا سلسلہ شروع ہوا ہے اور کہیں تیز تو کہیں ہلکی بارش جاری ہے مگر یہ خوشگوار موسم مزیدار کھانوں کے بغیر ادھورا معلوم ہوتا ہے۔

بارش کے موسم میں لوگ عموماً کوئی نہ کوئی پکوان تو لازمی بناتے ہیں اور پکوڑے، سموسے، کچوریوں سمیت مزے مزے کے کھانے کھاتے ہیں۔

لیکن ہر بار ایک جیسے پکوان کھا کھا کر یقیناً ہر کوئی چاہتا ہوگا کہ بارش کے موسم میں کوئی نئی ڈش کھائی جائے۔

اسی لیے اس بارش میں قارئین کے لیے مزیدار بریڈ کچوری کی ترکیب بیان کی جارہی ہے جو لازمی پسند آئے گی۔

اجزا

ابلے ہوئے میشڈ آلو- 2عدد

باریک کٹا ہوا چکن -آدھا کلو

ہری مرچیں چوپڈ -2سے 3 عدد

نمک حسبِ ذائقہ ابلے ہوئے مٹر-ایک کپ

چاٹ مصالحہ- ایک سے 2چائے کے چمچ

لال مرچ پاؤڈر -ایک چائے کا چمچ

کٹی کالی مرچ - ایک سے 2چائے کے چمچ

ہرا دھنیا- 2 سے 3 کھانے کے چمچ

بریڈ سلائیسیز

ترکیب

ایک باؤل میں ابلے ہوئے، میشڈ آلو ، باریک کٹا ہوا چکن، ہری مرچ، نمک، مٹر، چاٹ مصالحہ، لال مرچ پاؤڈر اور کالی مرچ ڈال کر اچھی طرح مکس کر لیں۔

اب سینڈوچ بریڈ کو گول کاٹ کر اس پر تیار کیا ہو امکسچر رکھیں اور دوسری بریڈ رکھ کر بند کر دیں۔

پھر ایک پین میں کھانے کا تیل گرم کرکے تیار کی ہوئی بریڈز کو تیز آنچ پر گولڈن براؤن ہونے تک فرائی کر لیں۔

مزیدار بریڈ کچوری تیار ہے۔

تبصرے (0) بند ہیں