وزیرآباد میں پی ٹی آئی چیئرمین عمران خان فائرنگ سے زخمی ہونے کے بعد کوئٹہ اور کراچی سمیت دیگر شہروں میں کارکنان نے احتجاج کیا۔

کوئٹہ میں مظاہرین نے ایئرپورٹ روڈ بلاک کر دی اور احتجاج کیا، جس کے نتیجے میں اطراف میں ٹریفک شدید جام ہوگیا۔

بعد ازاں مظاہرین نے احتجاج ختم کیا اور پارٹی کے دفتر چلے گئے۔

پی ٹی آئی کے مقامی رہنما اکرم ترین نے کہا کہ پی ٹی آئی سیکریٹریٹ میں مستقبل کا لائحہ عمل طے کیا جائے گا۔