گزشتہ روز عمران خان پر قاتلانہ حملہ کے خلاف پی ٹی آئی کارکنان نے ملک بھر میں احتجاج کیا جس کے بعد اسلام آباد میں پی ٹی آئی رہنماؤں کے خلاف مقدمات درج کرلیے گئے۔

پولیس کی مدعیت میں 24 نامزد ملزمان کے خلاف تھانہ آئی نائن میں مقدمہ درج کیا گیا، نامزد پی ٹی آئی رہنماؤں میں علی احمد اعوان ، عامر محمود کیانی ، واصف قیوم سمیت چودھری شعیب شامل ہیں۔

مقدمہ میں بتایا گیا کہ نامزد ملزمان نے پولیس کے ساتھ مزاحمت کی اور سرکاری املاک کو نقصان پہنچایا اس کے علاوہ انہوں نے پولیس اور ایف سی اہلکاروں پر ڈنڈوں اور پتھروں سے حملہ کیا۔

مقدمہ میں مزید کہا گیا کہ ملزمان کے پتھراؤ سے 9 ایف سی اور 5 پولیس اہلکار زخمی ہوئے ہیں جبکہ پولیس نے 30 افراد کو گرفتار کر رکھا ہے۔