عوام نے پی ٹی آئی کی کال یکسر مسترد کردی، وزیرداخلہ
05 نومبر 2022
وفاقی وزیر داخلہ رانا ثنا اللہ نے پی ٹی آئی کی احتجاجی کال کے حوالے سے کہا ہے کہ وزیر آباد واقعے کے بعد پی ٹی آئی کی بھر پور مہم جوئی اور عمران خان کی کال کو عوام نے یکسرمسترد کردیا ہے۔
انہوں نے کہا کہ درجن بھرکارکنوں کے علاوہ احتجاج میں عوام کی عدم شرکت نے ثابت کردیا ہے کہ پاکستان کےعوام کو پی ٹی آئی کے فتنہ اورانتشار کی حمایت حاصل نہیں ہے۔
رانا ثنااللہ نے کہا کہ پاکستان کے عوام رواداری، عزت اور احترام کی سیاست اور جمہوری رویوں پر یقین رکھتے ہیں۔
تبصرے (0) بند ہیں