پاکستان تحریک انصاف (پی ٹی آئی) کی مقامی تنظیم نے کل وزیر آباد سے لانگ مارچ کے دوبارہ آغاز کی تیاریاں شروع کردی ہیں جہاں پارٹی چیئرمین عمران خان پر جان لیوا حملے کی کوشش کے بعد اسے ملتوی کر دیا گیا تھا۔

ڈان اخبار کی رپورٹ کے مطابق پی ٹی آئی کے مقامی ذرائع اور انتظامیہ کا کہنا ہے کہ لانگ مارچ کو ظفر علی خان چوک کے بجائے قصبے کے کچہری چوک سے دوبارہ شروع کیا جا سکتا ہے جو حملے کے مقام سے چند گز کے فاصلے پر واقع ہے۔