پاکستانی ایتھلیٹ ارشد ندیم کا دعاؤں پر پوری قوم سے اظہار تشکر
پاکستانی ایتھلیٹ ارشد ندیم نے تاریخی فتح ملک کے نام کرتے ہوئے دعا کرنے پر پوری قوم سے اظہار تشکر کیا ہے۔
ڈان نیوز کے مطابق ان کا کہنا تھا کہ آج میرا دن تھا اور مجھے امید تھی کہ کچھ کر جاؤں گا، 14اگست کو گولڈ میڈل کے ساتھ جیت کی خوشی منائیں گے۔
واضح رہے کہ گزشتہ روز پیرس اولمپکس میں جیولین تھرو کے مقابلوں میں پاکستان کے ارشد ندیم نے تاریخ رقم کرتے ہوئے اولمپک کی تاریخ کی سب سے بڑی 92.97 میٹر کی تھرو کرتے ہوئے پاکستان کو 40سال بعد اولمپک میں گولڈ میڈل جتوایا۔
پاکستان کے ارشد ندیم پہلی تھرو صحیح نہ کر سکے اور ان کی پہلی تھرو کو فاؤل قرار دے دیا گیا تھا، تیسرے راؤنڈ میں پاکستان کے ارشد ندیم نے 88.72 میٹرز کی تھرو کی جبکہ جمہوریہ چیک کے جیکب ویڈلیج نے 88.50 میٹر دور نیزہ پھینکا۔
ارشد ندیم نے چوتھی تھرو میں نیزہ 79.40 میٹرز دور پھینکا، انہوں نے پانچویں تھرو کیا تو نیزہ 84.87 میٹر دور جا گرا۔
چھٹے اور آخری راؤنڈ میں پاکستان کے ارشد ندیم نے مقابلے میں دوسری بہترین تھرو کرتے ہوئے نیزہ 91.79 میٹرز دور پھینک کر اولمپک کی دوسری بہترین تھرو کا ریکارڈ بھی اپنے نام کیا۔
لائیو ٹی وی