سونے کی قیمتوں میں مسلسل پانچویں روز بڑی کمی
ملک بھر میں سونے کی قیمتوں میں مسلسل پانچویں روز کمی کا رجحان برقرار رہا اور فی تولہ نرخ ایک ہزار 595 روپے گر کر 3 لاکھ 57 ہزار روپے ہو گئے۔
سرکاری خبر رساں ادارے ’اے پی پی‘ کے مطابق آل پاکستان صرافہ جیولرز ایسوسی ایشن نے رپورٹ کیا کہ 24 قیراط خالص سونے کی فی تولہ قیمت ایک ہزار 595 روپے کمی سے 3 لاکھ 57 ہزار روپے ہو گئی جبکہ 24 قیراط 10 گرام سونا ایک ہزار 368 روپے سستا ہو کر 3 لاکھ 6 ہزار 69 روپے میں فروخت ہوا۔
اسی طرح 22 قیراط 10 گرام سونے کا بھاؤ ایک ہزار 254 روپے کمی سے 2 لاکھ 80 ہزار 573 روپے ریکارڈ کیا گیا۔
ادھر، چاندی کی قیمتوں میں بھی کمی دیکھی گئی، فی تولہ چاندی 24 روپے تنزلی سے 3 ہزار 796 روپے جبکہ 10 گرام چاندی 21 روپے سستی ہو کر 3 ہزار 254 روپے میں فروخت ہوئی۔
عالمی مارکیٹ میں سونے کی قیمت 16 ڈالر کمی کے بعد 3,372 ڈالر سے کم ہو کر 3,356 ڈالر فی اونس ہو گئی، جبکہ چاندی کی قیمت 0.24 ڈالر کم ہو کر 36.13 ڈالر فی اونس رہی۔
واضح رہے کہ 16 جون کو 24 قیراط فی تولہ خالص سونے کی قیمت 700 روپے تنزلی سے 3 لاکھ 62 ہزار 300 روپے ریکارڈ کی گئی تھی۔
17 جون کو فی تولہ سونے کی قیمت ایک ہزار روپے گر کر 3 لاکھ 61 ہزار 300 روپے جبکہ 18 جون کو سونے کا بھاؤ 2 ہزار 245 روپے تنزلی سے 3 لاکھ 59 ہزار 55 روپے ہو گیا تھا۔
اسی طرح گزشتہ روز (19 جون) 24 قیراط کے حامل فی تولہ خالص سونے کی قیمت میں 460 روپے کی کمی ہوئی تھی، جس کے بعد یہ 3 لاکھ 58 ہزار 595 روپے میں فروخت ہوا تھا۔
لائیو ٹی وی