تہران کو جنگ بندی کی کوئی تجویز موصول نہیں ہوئی، سینیئر ایرانی عہدیدار
امریکی صدر ڈونلڈ ٹرمپ کے ایران-اسرائیل جنگ میں سیز فائر کے دعوے کے برعکس ایران کے سینئر عہدیدار نے کہا ہے کہ ایران کو کوئی جنگ بندی کی تجویز موصول نہیں ہوئی۔
امریکی نیوز چینل ’سی این این‘ کے مطابق تہران میں موجود ایک سینئر ایرانی عہدیدار نے بتایا ہے کہ ایران کو کسی قسم کی جنگ بندی کی تجویز موصول نہیں ہوئی اور نہ ہی اسے ایسی کسی تجویز کی ضرورت محسوس ہوتی ہے۔
ایرانی عہدیدار کا کہنا تھا کہ تہران اس وقت تک لڑائی جاری رکھے گا جب تک کہ دیرپا امن حاصل نہ ہو جائے۔
انہوں نے اسرائیل اور امریکا کے بیانات کو ’دھوکہ دہی‘ قرار دیا، جس کا مقصد ایران کے مفادات پر حملوں کو جواز دینا ہے۔
ان کا مزید کہنا تھا کہ اسی لمحے دشمن ایران پر جارحیت کر رہا ہے، اور ایران اپنے جوابی حملوں کو مزید شدید کرنے کے قریب ہے، ہمیں اپنے دشمنوں کے جھوٹ سننے کا کوئی شوق نہیں۔
لائیو ٹی وی