آرمی پبلک اسکول حملہ: سید حسنین شاہ–عمر 14

والدین: سید فضل حسین اور صائمہ فضل حسین

بہن بھائی: 11 ماہ کا سید طالب حسنین

حسنین کے بڑے خواب تھے۔ اسے سائنس اور انجینئرنگ کا جنون تھا اور وہ کچھ ایسا ایجاد کرنا چاہتا تھا جو دنیا کو بدل کر رکھ دے۔

اس کی والدہ کے مطابق حسنین بہت ہی قابل بیٹا تھا جو ان کا گھر کے کاموں میں ہاتھ بٹاتا تھا۔

وہ کہتی ہیں کہ وہ ہر وقت مذاق اور لطیفوں کے ذریعے انہیں ہنساتا تھا۔