آرمی پبلک اسکول حملہ: فہد حسین–عمر 13

والدین: حسین اور سیما نواب

فہد کے والدین کیلئے وہ خدا وند کا ایک تحفہ تھے۔ فہد اکلوتا ہونے کے ناطے اپنے والدین کی آنکھوں کا تارا تھے۔

فہد کے والدین نے صرف ان کی اچھی تعلیم کیلئے گاؤں سے پشاور کا رخ کیا۔

ائیر فورس پائلٹ بننے کے خواہش مند فہد کو کھیلوں بالخصوص باسکٹ بال اور کرکٹ کا بہت شوق تھا۔

وہ سکول کی جانب سے کھیلنے کے ساتھ ساتھ محلے کی ٹیم میں بھی شامل تھے۔ فہد اکثر اللہ تعالی سے ایک بھائی کی دعا مانگتے تاکہ وہ اس کے ساتھ کھیل سکیں۔

فہد کے والدین ان کے جانے کے بعد ٹوٹ چکے ہیں۔