لولی وڈ کی معروف اور خوبصورت اداکارہ شمیم آراء نے اپنے کیریئر میں کئی کامیاب فلموں میں کام کیا۔
کئی فلموں میں جلوہ گر ہونے والی اداکارہ کا کیریئر کافی دلچسپ اور متاثر کن تھا، ان کی پہلی فلم ’کنواری بیوہ' تو باکس آفس پر زیادہ نہیں چلی تاہم انھوں نے انڈسٹری میں اپنی جگہ ضرور بنالی۔
اس کے بعد ان کی کامیابی کے سفر کا آغاز ہوگیا، شمیم آراء کی کامیاب فلموں میں ’دیوداس‘ اور ’ہمراز‘ وغیرہ شامل ہیں۔
شمیم آرا کو اپنے کیریئر میں چار مرتبہ نگار ایوارڈ سے نوازا جاچکا ہے۔
اداکاری سے ریٹائرمنٹ اختیار کرنے کے بعد شمیم آرا نے ہدایت کاری کے ساتھ ساتھ کئی فلموں کو پروڈیوس بھی کیا۔
شمیم آرا طویل علالت کے بعد 78 برس کی عمر میں لندن میں انتقال کر گئیں، ان کی زندگی کی کچھ یادگار تصاویر یہاں شیئر کی جارہی ہیں۔
شمیم آرا اور اداکار حبیب کی 1965 کی فلم ’فیشن‘ کی ایک تصویر — وائٹ اسٹار
فلم 'فیشن' میں شمیم آرا ساتھی اداکار سنتوش کمار اور رخسانہ کے ساتھ — وائٹ اسٹار
فلم ’فیشن‘ شمیم آرا کی ہٹ فلموں میں سے ایک تھی — وائٹ اسٹار
ان کی کامیاب فلموں میں 'آگ کا دریا' اور 'لاکھوں میں ایک' بھی شامل ہیں — وائٹ اسٹار
شمیم آرا کی فلم ’دل کے ٹکرے' سے ایک منظر — وائٹ اسٹار
شمیم آرا کی 1969 کی فلم ’آنچ‘ بھی کامیاب ثابت ہوئی — وائٹ اسٹار
شمیم آرا نے اپنے کیریئر میں چار نگار ایوارڈ حاصل کیے — وائٹ اسٹار
شمیم آرا نے 1968 کی فلم جان آرزو میں وحید مراد کے ساتھ کام کیا — وائٹ اسٹار
شمیم آرا اپنے دور کی اسٹائل آئیکون تھیں — وائٹ اسٹار
شمیم آرا نے اداکاری کے ساتھ ہدایت کاری میں بھی اپنی صلاحیتوں کے جوہر دکھائے — وائٹ اسٹار
شمیم آرا کی سب فلمیں میں نے وڈیو سے دیکھیں وہ بہت عظیم ادکارہ تھیں ان کی فلم قیدی میں نے اپنی امی کے ساتھ دیکھی بہت بھترین فلم تھی اس دور کی فلم دیکھ کے حیران ھوئ کے کسی انگلش ناول سے ماخوذ تھی فلم میں فیض احمد فیض کی نظم مجھ سے پھلی سی محبت شامل تھی سہیلی ان کی بھترین فلموں میں سے تھی بس پھر میں نے ان کی کوئ فلم نہیں چھوڑی کیا گانے ھوتے تھے کیا اسٹوری کاش ھمارے چینل اس سنھرے دور کی فلمیں دکھئیں تاکے سب کو پتہ چلے کے ایک زمانہ وہ بھی تھا جب اتنے پڑھے لکھے لوگ بھترین موضوع اور بھترین ادکار جن کے تلفظ اور مکالموں کی ادائیگی لاجواب ھوتی تھی
تبصرے (1) بند ہیں