افغانستان سے پاکستانی علاقے میں مارٹر گولوں سے حملہ
پاکستان کے قبائلی علاقے شمالی وزیرستان میں افغان علاقے سے آج ایک مرتبہ پھر تیئس گولے فائر کیے گئے، تاہم کوئی جانی و مالی نقصان نہیں ہوا۔
ڈان نیوز ٹی وی کے مطابق شمالی وزیرستان سے متصل افغان علاقے سے تیئس مارٹر گولے فائر کیے گئے جو غلام خان اور باغی دار کے علاقوں میں گرے۔
حکام کا کہنا ہے کہ جس مقام پر یہ گولے آکر گرے وہ غیر آباد علاقہ ہے جس کی وجہ سے کوئی جانی و مالی نقصان نہیں ہوا۔
اس قبل گزشتہ مہینے 29 مارچ کو بھی افغان سرحد سے پاکستانی علاقے میں چھ مارٹر گولے فائر کیے گئے تھے۔
خیال رہے کہ افغان سرحدی علاقے سے پاکستان علاقوں میں مارٹر گولے فائر کیے جانے کا یہ کوئی پہلا واقعہ نہیں ہے، بلکہ اس سے قبل متعدد مرتبہ اس طرح کے واقعات پیش آچکے ہیں جن میں کئی ہلاکتیں بھی ہوئی ہیں۔
لائیو ٹی وی