کشمیری اور پاکستانی ایک دوسرے کے لئے لازم و ملزوم ضرور ہیں لیکن پاکستان کبھی نہیں چاہتا کہ کشمیریوں کو ان کا حق خود ارادیت نہ دیا جائے اور ان کی مرضی کے خلاف انھیں پاکستان کا حصہ بنایا جائے ، آسیہ اندرابی ایک اہم حریت راہنما ہیں جنہوں نے ہمیشہ پاکستان سے اپنی عقیدت کا اظہار کیا ہے اور کشمیر پر بھی اپنا ایک واضح موقف رکھا ہے ، بھارت نے کم و بیش دس ہزار کشمیری خواتین سے اجتماعی زیادتی کی ہے ، جبکہ دس ہزار کے قریب کشمیری نوجوانوں کو گرفتار کر کے نامعلوم مقام پر منتقل کیا گیا ہے ، ہمارے ملک کے دفتر خارجہ کی ترجمان نے بھی کل ہی کہا ہے کہ بھارت اور پاکستان کے مذاکرات میں کشمیر ایک اہم مسئلہ ہے اور اسکو نظر انداز نہیں کیا جا سکتا ، لہذا پاکستان بھارت سے جلد غیر مشروط مذاکرات چاہتا ہے ، اسی طرح کشمیری راہنما سید علی گیلانی نے پاکستانی ہائی کمشنر عبدالباسط سے بھی نئی دہلی میں ملاقات کر کے ان پر واضح کیا ہے کہ کمشیر کا مسئلہ کوئی سرحدی معاملہ نہیں ہے لہذا پاک بھارت مذاکرات کے ایجنڈے میں یہ سر فہرست ہونا چاہیے ، کشمیر کے بارے میں میری معلومات اس لئے بھی زیادہ ہیں کیونکہ میں نے بطور رپورٹر سب سے زیادہ کام پارلیمان اور کشمیر افئیرز پر کیا ہے ، لہذا ایک تجزیہ نگار کی حثیت سے میں یہ ضرور کہوں گی کہ کشمیر کے مسئلے کا فوری حل تلاش کیا جانا چاہیے اور اس میں سو فیصد کشمیریوں کی رائے اور مرضی شامل ہوں ، کشمیری ہمارے دل سے بہت قریب ہیں ، ان کی تکلیف یقینا ہمارے لئے بھی آزار کا باعث ہے ۔۔۔۔۔۔۔۔۔۔۔۔