'سابق جرنیلوں کے خلاف آرمی ایکٹ کے تحت کارروائی ہو گی'
پاک فوج نے این ایل سی اسکینڈل میں بیان جاری کرتے ہوئے کہا ہے کہ سابق فوجی افسران کیخلاف تحقیقات پاکستان آرمی ایکٹ کے تحت کی جائیں گی۔ فائل تصویر
اسلام آباد: نیشنل لاجسٹک سیل ۔ این ایل سی میں ہونے والی بے ضابطگیوں پر پاک فوج نے پہلی بار اپنا مؤقف جاری کردیا ہے۔ تینوں سابق فوجی افسران کے خلاف تحقیقات پاکستان ارمی ایکٹ کے تحت کی جائیں گی۔
عسکری ذرائع کے مطابق لیفٹیننٹ جنرل (ر) خالد منیر، لیفٹیننٹ جنرل (ر) افضل مظفر سے مالی بے ضابطگیوں پر پوچھ گچھ کی گئی ہے۔
آئی ایس پی آر کے مطابق آرمی چیف نے میجرجنرل کی سطح کے افسر کو این ایل سی میں بدعنوانیوں کی شہادتوں کی سمری کا جائزہ لینے کی ذمہ داری تفویض کی ہے۔
آرمی چیف پیش کی گئی شہادتوں کا جائزہ مکمل ہونے پر اگلی کارروائی کا حکم دیں گے۔
آئی ایس پی آر نے یہ وضاحت بھی کی ہے کہ سابق افسران فوجی وردی پہننے سمیت کسی قسم کی فوجی مراعات کے مستحق نہیں ہوں گے۔
لائیو ٹی وی