اجتماعی شادی کی تقریب
شادی کا بندھن دنیا میں سب سے مضبوط اور منفرد سمجھا جاتا ہے، خاص طور پر مشرقی ممالک میں تو یہ زندگی بھر کا تعلق ہوتا ہے اور یہی چیز یہاں کے خاندانی نظام کو مغرب کے مقابلے میں زیادہ مضبوط بناتی ہے۔
اب بات ہو اگر شادی کی تو پاکستان اور ہندوستان جیسے ممالک میں اس کی رسومات کو کون فراموش کرسکتا ہے جن کی رنگا رنگی کی مثال تو دنیا میں کہیں نہیں ملتی۔
ایسی ہی ایک منفرد اجتماعی شادی کی تقریب نئی دہلی میں ہوئی جس میں شریک جوڑوں کی خوشی اور چمک دمک نے ماحول کو جگمگا کر رکھ دیا۔
رام لیلا میدان میں ہونے والی اس تقریب میں 92 کسی نہ کسی معذوری کے شکار مرد و خواتین زندگی بھر کے بندھن میں بندھے۔
