طالبان سے مذاکرات،محسود قبائل کی کمیٹی قائم
پشاور : پاکستان کے دور دراز قبائلی علاقے میں محسود امن جرگے نے محسود طالبان کو حکومت سے مذاکرات پر آمادہ کرنے کے لیے 11 رکنی کمیٹی تشکیل دے دی ہے۔
انتہائی باوثوق ذرائع نے اس خبر کی تصدیق کرتے ہوئے بتایا کہ محسود امن جرگے کے گزشتہ روز یعنی ہفتے کو ٹانک میں ہونے والے ایک اجلاس میں محسود طالبان کو حکومت سے ساتھ مذاکرات کو آمادہ کے لیے کمیٹی تشکیل دینے کا فیصلہ کیا گیا۔
ذرائع کے مطابق محسود قبائل کے یہ کمیٹی ڈرون حملے میں مارے جانے والے کالعدم تحریک طالبان پاکستان کے سربراہ بیت اللہ محسود کے سسر کی سربراہی میں محسود طالبان کے خان سید سجنا سے ملاقات کرے گا اور انہیں حکومت سے مذاکرات پر آمادہ کرنے کی کوشش کرے گا۔
یاد رہے کہ رواں سال مئی میں طالبان کمانڈر خان سید سجنا نے کالعدم تنظیم تحریک طالبان پاکستان سے علیحدہ ہونے کا اعلان کیا تھا۔
لائیو ٹی وی